ସନ୍ଷ୍ଟାର ଟିଭି ବ୍ୟୁରୋ
ଘରେ ରହି ବୋର ହେଉଛନ୍ତି କି? ବାହାରକୁ ଯାଇ କିଛି ଖାଇବାକୁ ଇଚ୍ଛା ହେଉଚି କି? ହେଲେ କରୋନା ଯୋଗୁଁ ବାହାରକୁ ଯାଇ ଖାଇବାକୁ ଡରୁଥିବେ ନିଶ୍ଚୟ । ତାହାଲେ ଆପଣ ଘରେ ବନେଇ ଏମିତି କିଛି ଖାଦ୍ୟ ଖାଆନ୍ତୁ, ଯାହା ଫଳରେ ଆପଣକୁ ଆଉ ବାହାରକୁ ଯିବାକୁ ପଡ଼ିବ ନାହିଁ । ଆମେ ଆଜି ଆପଣଙ୍କୁ କହିବୁ ଘରେ କିପରି ହୋଟେଲ ଷ୍ଟାଇଲରେ ସ୍ଵାଦିଷ୍ଟ ମସଲା ପୁଲାଓ ବନାଇପାରିବେ । ତେବେ ଏହା ପାଇଁ ଆବଶ୍ୟକ ସାମଗ୍ରୀ ଗୁଡ଼ିକ ହେଲା –
ଛତୁ -୩୦୦ଗ୍ରାମ
ବାସୁମତୀ ଚାଉଳ -୫୦୦ଗ୍ରାମ
ପନିର – ୨୫୦ ଗ୍ରାମ
କଟା ପିଆଜ -୨ଟି
ବଟା ଟମାଟୋ – ୧ଟି
ଗରମ ମସଲା – ୧ଚାମଚ
ଅଦା ରସୁଣ ବଟା – ୪ ଚାମଚ
ଘିଅ – ଆବଶ୍ୟକ ପରିମାଣରେ
ଧନିଆ ପତ୍ର – ଅଳ୍ପ
ପୁଦିନା – ଅଳ୍ପ
ଡ଼ାଲଚିନି – ୨ଟି
ଲବଙ୍ଗ – ୨ଟି
ଗୁଜୁରାତି – ୨ଟି
ତେଜ ପତ୍ର – ୨ଟି
କଞ୍ଚାଲଙ୍କା- ୨ ରୁ ୩ଟି
କାଜୁବଟା – ଆବଶ୍ୟକ ପରିମାଣରେ
ଲୁଣ – ଆବଶ୍ୟକ ପରିମାଣ
ପ୍ରସ୍ତୁତୀ ପ୍ରଣାଳୀ – ପ୍ରଥମେ ବାସୁମତୀ ଚାଉଳକୁ ଧୋଇ ଅଧ ଘଣ୍ଟା ବତୁରାଇ ଦିଅନ୍ତୁ। ଏବେ ଗ୍ୟାସ ଲଗାଇ କଡ଼େଇ ବସାନ୍ତୁ ଓ ଘିଅ ଗରମ କରନ୍ତୁ। ଘିଅ ଗରମ ହେବା ପରେ ତେଜପତ୍ର,ଡ଼ାଲଚିନି, ଲବଙ୍ଗ, ଗୁଜୁରାତି, କଟା ପିଆଜ ଓ କଞ୍ଚାଲଙ୍କା ପକାଇ ଭାଜନ୍ତୁ। କିଛି ସମୟ ବାଜିବା ପରେ ଅଦା ରସୁଣ ବଟା ପକାଇ କଷନ୍ତୁ। କଷିବା ପରେ ବଟା ଟମାଟୋ ପକାଇ ପୁଣି ଭଲ ଭାବେ କଷନ୍ତୁ। ମସଲା କଷି ହେବାପରେ ଏଥିରେ ଛତୁ , ପନିର ଏବଂ ଗରମ ମସଲା ପକାଇ କଷନ୍ତୁ। କିଛି ସମୟ କଷିବା ପରେ କାଜୁ ବଟା, ଏକ କପ ପାଣି ଓ ଲୁଣ ପକାଇ ଭଲ ଭାବେ ଗୋଳାଇ ୨ ମିନିଟ ଗ୍ୟାସରେ ବସାଇ ଘୋଡ଼ାଇ ରଖନ୍ତୁ। ଏବେ ଗ୍ୟାସରେ ଆଉ ଏକ ପାତ୍ର ବସାଇ ଘିଅ ଗରମ କରନ୍ତୁ। ଘିଅ ଗରମ ହେବା ପରେ ପିଆଜ ପକାଇ ଭାଜନ୍ତୁ । ପିଆଜ ଭାଜି ହେବା ପରେ ଏଥିରେ ୪କପ ପାଣି ଓ ଅଳ୍ପ ଲୁଣ ପକାନ୍ତୁ। ଏବେ ଏଥିରେ ବତୁରାଇଥିବା ଚାଉଳକୁ ପକାଇ ୧୦ ମିନିଟରେ ଗାଳି ଦିଅନ୍ତୁ। ଗାଳିବା ପରେ ଏହି ଭାତକୁ ପୂର୍ବ ପ୍ରସ୍ତୁତ ମସଲାରେ ପକାଇ ଭଲ ଭାବେ ଗୋଳାନ୍ତୁ। ଏବେ ଗ୍ୟାସ ଲଗାଇ ଧନିଆ ପତ୍ର, ପୁଦିନା ପତ୍ର ପକାଇ ୧ ମିନିଟ ଏହାକୁ ଗରମ କରି ଦିଅନ୍ତୁ। ପ୍ରସ୍ତୁତ ହୋଇଗଲା ସ୍ୱାଦିଷ୍ଟ ମସଲା ପୁଲାଓ। ଏକ ପାତ୍ରକୁ କାଢି ଖାଆନ୍ତୁ, ନିଜେ ଖାଇବା ସହ ନିଜ ପ୍ରିୟଜନଙ୍କୁ ମଧ୍ୟ ଖୁଆନ୍ତୁ ।
