ସନ୍ଷ୍ଟାର ଟିଭି ବ୍ୟୁରୋ
ଦେଓଗାଁ : ଓଡ଼ିଶାର ପ୍ରତିଭା କେଉଠିଁ ବା ଅଛପା । ସାରା ଦେଶରେ ଓଡ଼ିଶାର ଚମକ । ପୁଣି ଜଣେ ଓଡ଼ିଆ ଝିଅ ଓଡ଼ିଶା ପାଇଁ ଗର୍ବ ଏବଂ ଗୌରବ ସାଜିଛନ୍ତି । ବଲାଙ୍ଗୀର ଜିଲ୍ଲା ଦେଓଗାଁ ବ୍ରାହ୍ମଣୀଯୋର ପଞ୍ଚାୟତ ଅନ୍ତର୍ଗତ ସନ୍ଧିଯୋର ଗ୍ରାମର ଝିଅ ଅର୍ପିତା ନନ୍ଦ କୋଲକାତାର ଫ୍ରାଇଡ଼ ପ୍ଲାଜା ଠାରେ ଅନୁଷ୍ଠିତ ମିସନ ଡ୍ରିମ୍ସ ମିସ ଇଣ୍ଡିଆ ବିଜେତା ହୋଇଛନ୍ତି। ସେ ସନ୍ଧିଯୋର ଗାଁର ବଡ଼ମାଳ ଗୋଳାରୁଦ କାରଖାନାରେ କାର୍ଯ୍ୟରତ ରଘୁମଣି ନନ୍ଦ ଓ ମାତା ତିଳୋତ୍ତମା ନନ୍ଦଙ୍କ ଝିଅ।
ସୂଚନା ମୁତାବିକ, କୋଲକାତା ଠାରେ ଗତ ଡିସେମ୍ବର ୧୬ରୁ ୧୯ ପର୍ଯ୍ୟନ୍ତ ଆୟୋଜିତ ମିସ ଇଣ୍ଡିଆ ପ୍ରତିଯୋଗିତାର ଫାଇନାଲ ରାଉଣ୍ଡକୁ ଯାଇ ମିସ ଇଣ୍ଡିଆ କନଫିଡ଼େନ୍ସ ଓ ମିସ ଇଣ୍ଡିଆ ଫାଣ୍ଟାଷ୍ଟିକ-୨୦୨୦ରେ କୃତକାର୍ଯ୍ୟ ହୋଇଥିଲେ। ତାଙ୍କର ଏହି ସଫଳତା ପାଇଁ ଅଞ୍ଚଳବାସୀ ତାଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି।
