ସନ୍ଷ୍ଟାର ଟିଭି ବ୍ୟୁରୋ
ରାଉରକେଲା: ଦୀର୍ଘ ୨୦ ବର୍ଷ ଧରି ବନ୍ଦୀ ଜୀବନ କାଟି ପାକିସ୍ତାନ ଜେଲ୍ରୁ ଫେରିଥିବା ବିର୍ଜୁ କୁଲୁ ନିଖୋଜ ହୋଇଥିବା ଖବର ମିଳିଛି। ଗତକାଲି ରାତିରୁ ବିର୍ଜୁ କୁଲୁଙ୍କ କୌଣସି ପତ୍ତା ମିଳୁନି। ବିର୍ଜୁଙ୍କ ନିଖୋଜ ନେଇ କୁତ୍ରା ଥାନାରେ ଏତଲା ଦେଇଛନ୍ତି ବିର୍ଜୁଙ୍କ ଭଉଣୀ।
ବିର୍ଜୁ କୁଲୁଙ୍କ ନିଖୋଜ ନେଇ ସୂଚନା ଦେଇଛନ୍ତି ସୁନ୍ଦରଗଡ଼ ଏସ୍ପି। ସେ କହିଛନ୍ତି ଯେ ଜିଲ୍ଲାର ସମସ୍ତ ଥାନାକୁ ଖବର ଦିଆଯାଇଛି। ପଡ଼ୋଶୀ ଝାଡ଼ଖଣ୍ଡ ଓ ଛତିଶଗଡ଼କୁ ମଧ୍ୟ ଖବର ଦିଆଯାଇଛି। ତେବେ ଏଠାରେ ସୂଚନା ଥାଉକି, ବିର୍ଜୁ ନଭେମ୍ବର ୧୨ ତାରିଖରେ ପାକିସ୍ତାନ ଲାହୋର ଜେଲ୍ରୁ ନିଜ ଭିଟାମାଟିକୁ ଫେରିଥିଲେ।
