ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ସାମ୍ବାଦିକଙ୍କୁ ମାଡ଼ ମାରି ଲୁଟିଛନ୍ତି ଦୁର୍ବୃତ । ଏଭଳି ଘଟଣା ଘଟିଛି ମଞ୍ଚେଶ୍ଵର ଷ୍ଟେସନ ଏକ ପାର୍କ ନିକଟରେ । ଏହି ଲୁଟର ଶିକାର ହୋଇଛନ୍ତି ସମ୍ବାଦ ଚନ୍ଦ୍ରଶେଖରପୁର ରିପୋର୍ଟର ବିଦ୍ୟାଧର ବାରିକ ।
ମିଳିଥିବା ସୂଚନା ଅନୁସାରେ, ବିଦ୍ୟାଧର ଅପରାହ୍ନ ସମୟରେ ପାର୍କରେ ଚାଲୁଥିଲେ । ସେତେବେଳେ ଦୁଇଜଣ ଲୁଟେରା ତାଙ୍କୁ ମାଡ଼ ମାରି ସେ ବେକରେ ପକାଇଥିବା ସୁନା ଚେନ୍ ଓ ମୋବାଇଲ୍ ଫୋନ ଲୁଟୁ ନେଇଥିଲେ । ତେବେ ନିକଟରେ ଲାଗିଥିବା ଏକ ସିସିଟିଭି ଫୁଟେଜରେ ଲୁଟେରାଙ୍କ ଚିତ୍ର କଏଦ ହୋଇଛି । ଏ ନେଇ ମଞ୍ଚେଶ୍ଵର ଥାନାରେ ଅଭିଯୋଗ ପରେ ପୁଲିସ ତଦନ୍ତ ଆରମ୍ଭ କରିଛି ।
