ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ଆଜି କଂଗ୍ରେସ ପାଳନ କରୁଛି ତାର ୧୩୬ ତମ ପ୍ରତିଷ୍ଠା ଦିବସ । ୧୮୮୫ ଡିସେମ୍ଵର ୨୮ରେ ଏହି ରାଜନୈତିକ ଦଳ ସୃଷ୍ଟି ହୋଇଥିଲା । ତେବେ ଓଡିଶାରେ ମଧ୍ୟ କଂଗ୍ରେସର ତୁଙ୍ଗ ନେତାମାନେ ପାଳନ କରିଛନ୍ତି ଏହି ଦିବସ । ଦେଶ ସ୍ଵାଧିନତା ସମୟରେ ରାଜନୈତିକ ଦଳ ଭାବେ ଗୁରୁତ୍ଵପୂର୍ଣ୍ଣ ଭୂମିକା ଗ୍ରହଣ କରିଥିଲା କଂଗ୍ରେସ ।
ଏହି ଅବସରରେ ପିସିସି ସଭାପତି ନିରଞ୍ଜନ ପଟ୍ଟନାୟକ ଦଳୀୟ ପତାକା ଉତ୍ତୋଳନ କରିଥିଲେ । ଏହା ସହ କଂଗ୍ରେସ ସେବା ଦଳର ଶପଥ ପାଠ କରିଥିଲେ । ଏବଂ ପରେ ସଭାପତି ଶ୍ରୀ ପଟ୍ଟନାୟକ ଦଳୀୟ କର୍ମୀମାନଙ୍କୁ ଉଦବୋଧନ ଦେଇଥିଲେ । ତେବେ ଦିନ ୧୦ଟା ୩୦ ବେଳେ ୟୁନିଟ୍-୮ସ୍ଥିତ ଡିଏଭି ପବ୍ଲିକ୍ ସ୍କୁଲ ପ୍ରାଙ୍ଗଣରୁ ତ୍ରିରଙ୍ଗା ଶୋଭାଯାତ୍ରା ବାହାରି ସିବିଆଇ କାର୍ଯ୍ୟାଳୟ ନିକଟରେ ସରିଛି । ଏ ନେଇ ପିସିସି ଗଣମାଧ୍ୟମ ସଂଯୋଜକ ଦୀପକ କୁମାର ମହାପାତ୍ର ସୂଚନା ଦେଇଛନ୍ତି ।
