ସନ୍ଷ୍ଟାର ଟିଭି ବ୍ୟୁରୋ
ମେଲବର୍ଣ୍ଣ: ମେଲବର୍ଣ୍ଣ ରେ ଅନୁଷ୍ଠିତ ହୋଇଥିବା ଇଣ୍ଡିଆ- ଅଷ୍ଟ୍ରେଲିଆ ଟେଷ୍ଟ ମ୍ୟାଚର ଦ୍ଵିତୀୟ ଦିନରେ ଭାରତର ଅଧିନାୟକ ଆଜିଙ୍କ୍ୟ ରାହାଣେ ଖୁବ୍ ଭଲ ପ୍ରଦର୍ଶନ କରିଛନ୍ତି । ଏହି ମ୍ୟଚରେ ସେ ନିଜର ୧୨ତମ ଶତକ ହାସଲ କରିବା ସହିତ ଭାରତୀୟ କ୍ରିକେଟର ସଚିନ୍ ତେନ୍ଦୁଲକର୍ଙ୍କ ୨୧ ବର୍ଷର ପୁରୁଣା ରେକର୍ଡକୁ ମଧ୍ୟ ଭାଙ୍ଗିବାରେ ସକ୍ଷମ ହୋଇଛନ୍ତି । ଟେଷ୍ଟ ମ୍ୟାଚରେ ମେଲବର୍ଣ୍ଣ କ୍ରିକେଟ ପଡିଆରେ ଭାରତୀୟ ଅଧିନାୟକ ଭାବେ ଶତକ ହାସଲ କରିବାରେ ଆଜିଙ୍କୟ ରାହାଣେ ଦ୍ଵିତୀୟ ସ୍ଥାନ ହାସଲ କରିଛନ୍ତି । ଏହା ପୂର୍ବରୁ ୧୯୯୯ରେ ସଚିନ ପ୍ରଥମ ଭାରତୀୟ କ୍ୟାପଟେନ ଭାବେ ଶତକ ହାସଲ କରିଥିଲେ ।
ଏହି ମ୍ୟାଚ ଅଷ୍ଟ୍ରେଲିଆ ମଧ୍ୟରେ ଏହା ୧୦୦ ତମ ଟେଷ୍ଟ କ୍ରିକେଟ ମ୍ୟାଚ ଅଟେ । ତେବେ ବର୍ଷା ପାଇଁ ଏବେ ମ୍ୟାଚ ସ୍ଥଗିତ ରଖାଯାଇଥିଲା । ଦ୍ଵିତୀୟ ଦିନର ଖେଳ ଶେଷ ଶୁଦ୍ଧା ଭାରତୀୟ ଦଳ ୫ ଓ୍ଵିକେଟ ବିନିମୟରେ ୨୭୭ ରନ୍ ସଂଗ୍ରହ କରିଛନ୍ତି । ଆଜିଙ୍କ୍ୟ ରାହାଣେ ୧୦୪ ରନ କରି ଅପରାଜିତ ରହିଛନ୍ତି ।
