ସନ୍ଷ୍ଟାର ଟିଭି ବ୍ୟୁରୋ
ମୁମ୍ଵାଇ: ହିନ୍ଦୀ ସିରିଅଲରେ ଖୁବ ଜଣାଶୁଣା ତଥା ଚର୍ଚ୍ଚିତ ଚେହେରା ପାର୍ଥ ସାମନ୍ଥ ଏବେ ବଲିଉଡ ଜଗତକୁ ପ୍ରବେଶ କରିବାକୁ ଯାଉଛନ୍ତି । ତାଙ୍କ ବିପକ୍ଷରେ ନଜର ଆସିବେ ଆଲିଆ ଭଟ୍ଟ । ତେବେ ଏ ନେଇ ନିଜେ ପାର୍ଥ ତାଙ୍କର ଏକ ସାକ୍ଷାତକାରରେ ବଲିଉଡ ଫିଲ୍ମ ପାଇଁ ସାଇନ୍ କରିଥିବା କଥା ନିଜେ ସ୍ଵୀକାର କରିଛନ୍ତି । ‘କସୌଟି ଜିନ୍ଦେଗି କେ-2’ ରେ ମୁଖ୍ୟ ଅଭିନେତା ଭାବେ ନଜର ଆସିଥିଲେ ପାର୍ଥ କିନ୍ତୁ କିଛି ଦିନ ତଳେ ସେ ଏହି ସିରିଅଲକୁ ଛାଡି ଦେଇଛନ୍ତି । ତାଙ୍କକ ଉଚ୍ଚକୋଟୀର ଅଭିନୟ ପାଇଁ ଏବେବି ସେ ସିରିଅଲ ଦେଖିବା ସମୟରେ ତାଙ୍କୁ ମନେ ପକାଉଛନ୍ତି ତାଙ୍କ ଫ୍ୟାନମାନେ ।
ପାର୍ଥ ସଂଜୟ ଲୀଲା ଭନସାଲୀଙ୍କ ସହିତ ଫିଲ୍ମ ‘ଗଙ୍ଗୁବାଇ କାଠିୟାୱାଡି’ରେ ନଜର ଆସିବେ ବୋଲି ଚର୍ଚ୍ଚା ଚାଲିଥିଲା । କିନ୍ତୁ ବର୍ତ୍ତମାନ ଖବର ଅନୁଯାୟୀ, ପାର୍ଥ ବଲିଉଡ ଅଭିନେତ୍ରୀ ଆଲିୟା ଭଟ୍ଟ ସହିତ ଡେବ୍ଯୁ କରିବେ କିନ୍ତୁ ‘ଗଙ୍ଗୁବାଇ କାଠିୟାୱାଡି’ରେ ନୁହେଁ ଅନ୍ୟ ଏକ ଫିଲ୍ମରେ ।
ପାର୍ଥ ରେସୁଲ ପୁକୁଟ୍ଟୀଙ୍କ ଫିଲ୍ମ ପିରୱାହାରେ ସାଇନ କରିଛନ୍ତି । ଏହି ଫିଲ୍ମ ସହିଦ ହରଭଜନ ସିଂଙ୍କ ଜୀବନ ଉପରେ ଆଧାରିତ । ଏହି ଫିଲ୍ମରେ ଆଲିୟା ଭଟ୍ଟ ନଜର ଆସିବେ। ଆଲିୟାଙ୍କ ସହିତ ରୋମାନ୍ସ କରିବେ ପାର୍ଥ । ଏହି ଫିଲ୍ମ ଭାରତ- ଚୀନ ଉପରେ ଆଧାରିତ। ଫିଲ୍ମର ସୁଟିଂ ଖୁବଶୀଘ୍ର ଆରମ୍ଭ ହେବ । ଏହାଛଡା ପାଥର୍ ଅଲ୍ଟ ବାଲାଜୀର ଅପକମିଂ ୱେବସିରିଜ ‘ମେଁ ହିରୋ ବୋଲ ରହା ହୁଁ’ ରେ ମଧ୍ୟ ନଜର ଆସିବେ ।
