ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ପ୍ରକାଶ ପାଇଛି ୨୦୨୧ ଶିକ୍ଷାବର୍ଷର ପ୍ରୋଭିଜନାଲ୍ ଛୁଟି ତାଲିକା । ଉଚ୍ଚଶିକ୍ଷା ବିଭାଗ ଅଧୀନସ୍ଥ ସମସ୍ତ ଡିଗ୍ରୀ କଲେଜ ପାଇଁ ଏହି ତାଲିକା କାର୍ଯ୍ୟକାରୀ କରାଯିବ । ଏହି ତାଲିକାରେ ୨୦୨୧ରେ ମୋଟ୍ ୭୨ଟି ଛୁଟି ଦିନ ରହିଛି। ସେହିପରି ଗ୍ରୀଷ୍ମ ଅବକାଶ ଛୁଟି ମେ ’୬ରୁ ଜୁନ୍ ୧୬ ପର୍ଯ୍ୟନ୍ତ ସର୍ବାଧିକ ୩୫ ଦିନ ରହିଛି। ଦୁର୍ଗାପୂଜା ପାଇଁ ଅକ୍ଟୋବର ୧୧ରୁ ୨୦ ପର୍ଯ୍ୟନ୍ତ ୯ଦିନ ଛୁଟି ଦର୍ଶାଯାଇଛି। ରବିବାର ଗୁଡିକୁ ଛୁଟି ତାଲିକାରୁ ବାଦ୍ ଦିଆଯାଇଛି । ୭୨ଟି ଛୁଟିକୁ ବାଦ୍ଦେଇ କଲେଜ ଅଧ୍ୟକ୍ଷମାନେ ଦୁଇ ଦିନ ସ୍ଥାନୀୟ ଛୁଟି ବା ଲୋକାଲ୍ ହଲିଡେ ବୋଲି ଘୋଷଣା କରିପାରିବେ ।
ଏ ସମ୍ପର୍କରେ ଆଞ୍ଚଳିକ ଶିକ୍ଷା ନିର୍ଦ୍ଦେଶକଙ୍କୁ ସୂଚିତ କରିବାକୁ ପଡିବ ବୋଲି ପରର୍ଫମାନ୍ସ ଟ୍ରାକିଂ ସେଲ୍ ଉପନିର୍ଦ୍ଦେଶକ ରାଜେଶ କୁମାର ସାହୁ ସୂଚନା ଦେଇଛନ୍ତି । ଏହା ପ୍ରୋଭିଜନାଲ୍ ହୋଇଥିବାରୁ ଆବଶ୍ୟକ ସ୍ଥଳେ ସରକାର ଏହାର ପରିବର୍ତ୍ତନ କରିପାରିବେ ବୋଲି ଉଲ୍ଲେଖ ରହିଛି ।
