ସନ୍ଷ୍ଟାର ଟିଭି ବ୍ୟୁରୋ
image credit : kalinga tv
ଯାଜପୁର: ଯାଜପୁରରେ କଲେଜ ଛାତ୍ରୀ ଅପହରଣ ଘଟଣାରେ ଧର୍ମଶାଳା ପୋଲିସକୁ ମିଳିଛି ବଡ ସଫଳତା । ଗତ କାଲି ରାତିରେ ଧର୍ମଶାଳା ପୋଲିସଙ୍କ ଦ୍ଵାରା ଉଦ୍ଧାର ହେଲେ ଅପହୃତ ଯୁବତୀ । କଲେଜରୁ ମାଇଗ୍ରେସନ୍ ସାର୍ଟିଫିକେଟ୍ ନେଇ ଫେରିବା ବାଟରେ ଧର୍ମଶାଳା ଥାନା ଚହଟା ଗାଁର ଯୁବତୀଙ୍କୁ ଜାରକାର ସେଖ୍ ଓରଫ ବବି ଅପହରଣ କରି ନେଇଥିବା ଅଭିଯୋଗ ହୋଇଥିଲା । ଅପହରଣ ପରେ ଯୁବତୀ ଜଣଙ୍କ ଫୋନରେ ତାଙ୍କ ମାଆଙ୍କୁ କଲ୍ କରି ଅପହରଣ ବିଷୟରେ କହିବା ଅଡିଓ ଭାଇରାଲ୍ ହୋଇଥିଲା । ସୂଚନା ଅନୁସାରେ ଯୁବତୀ ଜଣକ ଡିସେମ୍ବର ୫ ତାରିଖରେ ଭି.ଏନ୍ କଲେଜ ଯାଜପୁର ରୋଡକୁ ମାଇଗ୍ରେସନ୍ ସାର୍ଟିଫିକେଟ୍ ଆଣିବାକୁ ଯାଇଥିବା ବେଳେ ଅପହରଣ ହୋଇଥିଲେ ।
ଧର୍ମଶାଳା ଥାନା ପୋଲିସ କଟକ ଆଖପାଖ ଅଞ୍ଚଳରୁ ଯୁବତୀଙ୍କୁ ଉଦ୍ଧାର କରିବା ସହ ମୁଖ୍ୟ ଅଭିଯୁକ୍ତ ସେଖ୍ ଓରଫ ବବିକୁ ଗିରଫ କରିଛି । ତେବେ, ଅପହରଣ ପଛର କାରଣ ଏବଂ ଧର୍ମ ପରିବର୍ତ୍ତନ କରି ବିବାହ ପଛର ସତ ପୋଲିସ୍ ପ୍ରେସମିଟ ପରେ ଜଣାପଡ଼ିବ ।
