ସନ୍ଷ୍ଟାର ଟିଭି ବ୍ୟୁରୋ
ବଲିଉଡ୍ ସୁପରଷ୍ଟାର ରଣବୀର କପୁର ନିଜ ଅଭିନୟରେ ଦର୍ଶକଙ୍କ ମନ ଜିଣିବାରେ ଲାଗିଛନ୍ତି। ଖାଲି ଦର୍ଶକଙ୍କ ମନ ଜିଣିନାହାନ୍ତି, ସେ ସମସ୍ତିଙ୍କ ହୃଦୟରେ ମଧ୍ୟ ରାଜ କରୁଛନ୍ତି । ଶୁଣିବାକୁ ମିଳିଛି ତାଙ୍କ ହାତରେ ଏବେ ଚଳଚ୍ଚିତ୍ରର ଏକ ଲମ୍ବା ଚିଠା ରହିଛି। ଏବେ ଏହି ଚିଠାରେ ଆଉ ଏକ ଚଳଚ୍ଚିତ୍ର ମଧ୍ୟ ସାମିଲ ହୋଇଛି। ମିଳିଥିବା ସୂଚନା ଅନୁସାରେ, ରଣବୀରଙ୍କ ବାସ୍ତବ ଜୀବନର ଯୋଡ଼ିଦାର ଆଲିଆ ଭଟ୍ଟଙ୍କ ସହ ପୁଣି ଥରେ ରୂପେଲି ପରଦାରେ ଦୁହେଁ ନଜର ଆସିବେ। କରଣ ଜୋହର ଏହି ଚଳଚ୍ଚିତ୍ର ନିର୍ମାଣ କରିବେ ଓ ୨୦୨୧ ଏପ୍ରିଲରେ ଏହାର ସୁଟିଂ ଆରମ୍ଭ ହେବ। ବର୍ତ୍ତମାନ ଚାଲିଥିବା ସମସ୍ତ ଚଳଚ୍ଚିତ୍ରର ସୁଟିଂ ସାରି ରଣବୀର କିଛି ଦିନ ଛୁଟି ନେବେ। ଏହା ପରେ ଚଳଚ୍ଚିତ୍ରର ସୁଟିଂ ପୂର୍ବରୁ ଉଭୟ ଆଲିଆ ଓ ରଣବୀର ୨୫ ଦିନିଆ ଏକ କର୍ମଶାଳାରେ ଯୋଗ ଦେବେ। ଏହାପରେ ଚଳଚ୍ଚିତ୍ରର ସୁଟିଂ ଆରମ୍ଭ ହେବ ବୋଲି ଜଣାପଡ଼ିଛି।
