ସନ୍ଷ୍ଟାର ଟିଭି ବ୍ୟୁରୋ
ମାଲକାନଗିରି: ମାଲକାନଗିରିରେ ପୁଲିସ ଓ ନକ୍ସଲ ମଧ୍ୟରେ ଗୁଳି ବିନିମୟ ସମୟରେ ଦୁଇଜଣ ନକ୍ସଲଙ୍କର ମୃତ୍ୟୁ ଘଟିଥିବାର ଖବର ମିଳିଛି। ସ୍ୱାଭିମାନ ଅଞ୍ଚଳର ଗଜଳମାମୁଡ଼ି ପଞ୍ଚାୟତର ଅଳମପକା ଏବଂ ସିଙ୍ଗରାମ ନିକଟରେ ଗୁଳିବିନିମୟ ଚାଲିଥିବା ଜଣାଯାଇଛି। ବିଏସଏଫ, ଏସଓଜି ଓ ଡିଭିଏଫ ପକ୍ଷରୁ ମିଳିତ ଅପରେସନ ହୋଇଛି। ସର୍ଚ୍ଚ ଅପରେସନ୍ ବେଳେ ବିପୁଳ ପରିମାଣର ବିସ୍ଫୋରକ ଓ ମାଓ ସାମଗ୍ରୀ ଜବତ ହୋଇଛି ।
ଦୁଇ ମୃତ ନକ୍ସଲ ଛତିଶଗଡ଼ ଅଞ୍ଚଳର ବୋଲି ଜଣାପଡ଼ିଛି।ମୃତକଙ୍କ ମଧ୍ୟରୁ ଜଣେ ମହିଳା ଓ ଜଣେ ପୁରୁଷ ବୋଲି ଜଣାପଡ଼ିଛି। ମୃତକଙ୍କ ମଧ୍ୟରେ ଏସିମ କ୍ୟାଡର ମାଲା ନିହତ ହୋଇଥିବା ସୂଚନା ମିଳିଛି ।
