ସନ୍ଷ୍ଟାର ଟିଭି ବ୍ୟୁରୋ
ମୁମ୍ବାଇ: ବର୍ଷ ଶେଷ ହେଲାଣି ହେଲେ ୨୦୨୦ର କୁପ୍ରକୋପ ପିଛା ଛାଡିବାକୁ ନାଁ ଧରୁନି । ଚଳଚ୍ଚିତ୍ର ଜଗତ ପାଇଁ ଏବର୍ଷ ଏକ କଳାବର୍ଷ କହିଲେ ଅତ୍ୟୁକ୍ତି ହେବ ନାହିଁ। ଗୋଟିଏ ପରେ ଗୋଟିଏ ଖରାପ ଖବର ଶୁଣିବାକୁ ମିଳୁଛି । ଶୁକ୍ରବାର ଆଉ ଏକ ଦୁଃଖ ଖବର ପୁଣି ସମସ୍ତଙ୍କୁ ଚକିତ କରିଦେଇଛି । ବଲିବୁଡ ଜଗତର ସୁପ୍ରସିଦ୍ଧ କୋରିଅଗ୍ରାଫର ଓ ନିର୍ଦ୍ଦେଶକ ରେମୋ ଡି’ ସୋଜା ହୃଦଘାତର ଶୀକାର ହୋଇଛନ୍ତି। ତାଙ୍କୁ ମୁମ୍ବାଇସ୍ଥିତ କୋକିଲାବେନ ମେଡିକାଲରେ ଭର୍ତ୍ତି କରାଯାଇଛି। ତାଙ୍କର ବର୍ତ୍ତମାନ ଆଇସିୟୁରେ ଚିକିତ୍ସା ଚାଲିଥିବା ନେଇ ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି।
ସୂଚନା ମୁତାବିକ ମେଡିକାଲରେ ରେମୋ ଡି’ ସୋଜାଙ୍କ ଏଞ୍ଜିୟୟୋପ୍ଲାଷ୍ଟୀ ସର୍ଜରୀ କରାଯାଇଛି। ଯାହାପରେ ତାଙ୍କ ସ୍ବାସ୍ଥ୍ୟବସ୍ଥା ସ୍ଥିର ଥିବା ସୂଚନା ରହିଛି। ବର୍ତ୍ତମାନ ରେମୋଙ୍କ ପାଖେ ତାଙ୍କ ପତ୍ନୀ ଲିଜେଲ ତାଙ୍କ ପାଖରେ ଥିବା ଖବର ଜାତୀୟ ଗଣମାଧ୍ୟମରେ ପ୍ରକାଶ ପାଇଛି।
