ସନ୍ଷ୍ଟାର ଟିଭି ବ୍ୟୁରୋ
ହାଇଦ୍ରାବାଦ: ଗ୍ରେଟର ହାଇଦ୍ରାବାଦ ମ୍ୟୁନିସିପାଲିଟି କର୍ପୋରେସନ୍ (ଜିଏଚ୍ଏମ୍ସି) ର ନିର୍ବାଚନ ଫଳାଫଳ ବାହାରିଯାଇଛି । ଏବଂ ଏହି ନିର୍ବାଚନରେ ଭାରତୀୟ ଜନତା ଦଳ ମୋଟ ୪୯ ଟି ସିଟ୍ ହାସଲ କରିଛି । ଏହି ନିର୍ବାଚନରେ କଂଗ୍ରେସ ଏବଂ ତେଲୁଗୁ ଦେଶମ ପାର୍ଟି (ଟିଡିପି)ର ଆଶା ଫଳଶୂନ ହେବାସହ ଅପମାନଜନକ ପରାଜୟର ସମ୍ମୁଖୀନ ହୋଇଛି ।
କଂଗ୍ରେସ ଏବଂ ତେଲୁଗୁ ଦେଶମ ପାର୍ଟି (ଟିଡିପି) ର ଉଭୟ ଦଳ ମ୍ୟୁନିସିପାଲିଟି ନିର୍ବାଚନରେ କଂଗ୍ରେସ ୧୫୦ଟି ଆସନ ମଧ୍ୟରୁ ୧୪୬ଟି ଆସନ ପାଇଁ ପ୍ରାର୍ଥୀ ଚୟନ କରିଥିବା ବେଳେ ମାତ୍ର ୨ଟି ଆସନ କଂଗ୍ରେସ ହାତକୁ ଯାଇଛି । ଅଧିକାଂଶ ନିର୍ବାଚନରେ ବିଜେପିକୁ ପରାସ୍ତ କରିଥିବା କଂଗ୍ରେସ ମଧ୍ୟ ଗ୍ରେଟର ହାଇଦ୍ରାବାଦ ମ୍ୟୁନିସିପାଲିଟି କର୍ପୋରେସନ ନିର୍ବାଚନରେ ହାରିଛି । ସେହିଭଳି ତେଲୁଗୁ ଦେଶମ ପାର୍ଟି (ଟିଡିପି) ର ସ୍ଥିତି କଂଗ୍ରେସ ଅପେକ୍ଷା ଖରାପ ଥିଲା କାରଣ ଦଳ ୧୦୬ ଟି ଆସନରେ ପ୍ରାର୍ଥୀ ଦେଇଥିଲା ଏବଂ ଗୋଟିଏ ବି ପ୍ରାର୍ଥୀ ଦଳରୁ ବିଜୟୀ ହୋଇନାହାନ୍ତି ।
ଏହି ନିର୍ବାଚନରେ AIMIM ତୃତୀୟ ସ୍ଥାନକୁ ଖସି ଆସିଛି । ୨୦୧୬ ମ୍ୟୁନିସିପାଲିଟି କର୍ପୋରେସନ୍ ନିର୍ବାଚନରେ ମାତ୍ର ୩ ଟି ସିଟ୍ ଜିତିଥିବା ବିଜେପି ଏଥର ୪୮ ଟି ସିଟ୍ ଜିତି ୧୨ ଗୁଣ ଭଲ ପ୍ରଦର୍ଶନ କରିଛି । ୨୦୧୬ ନିର୍ବାଚନରେ ବିଜେପି ଟିଡିପି ସହ ଏକ ମେଣ୍ଟ କରିଥିଲା । ଯଦିଓ ୨୦୦୯ ନିର୍ବାଚନରେ ବିଜେପି ୬ ଟି ଆସନ ଜିତିଥିଲା । ଅସଦୁଦ୍ଦିନ ଓୱାଇସିଙ୍କ ଦଳ AIMIM ୫୧ ଟି ସିଟ୍ ପ୍ରତିଦ୍ୱନ୍ଦ୍ୱିତା କରି ୪୪ ଟି ସିଟ୍ ଜିତିଛି । ଶାସକ ଟିଆରଏସ ତେଲେଙ୍ଗାନା ରାଜ୍ୟରେ ୫୬ ଟି ଆସନ ଜିତିଥିଲା। ଏବଂ କେସିଆର ପାର୍ଟି ସମସ୍ତ ୧୫୦ ଟି ଆସନ ପାଇଁ ପ୍ରାର୍ଥୀ କରିଥିଲା।
