ସନ୍ଷ୍ଟାର ଟିଭି ବ୍ୟୁରୋ
କ୍ୟାନବେରା: ପୂର୍ବ ଆନ୍ତର୍ଜାତୀୟ ଏକ ଦିବସୀୟ ମ୍ୟାଚର ପରାଜୟର ବଦଲା ନେବା ଉଦ୍ଦେଶ୍ୟରେ ପଡିଆରେ ପାଦ ରଖିଛନ୍ତି ଭାରତୀୟ ଦଳ ଓ ପୂର୍ବ ମ୍ୟାଚର ବିଜୟରେ ଦୃଢ ବିଶ୍ଵାସ ନେଇ ଖେଳିବାକୁ ଯାଉଛନ୍ତି ଅଷ୍ଟ୍ରେଲିଆ ଦଳ । ତେବେ ମ୍ୟାଚର ଆରମ୍ଭ ପାଇଁ ଦୁଇ ଦଳର ଅଧିନାୟକ ଆରୋନ ଫିଞ୍ଚ୍ ଓ ବିରାଟ କୋହଲି ପଡିଆରେ ପହଞ୍ଚିଥିଲେ । ଦିନ ୧: ୧୦ରେ ପଡ଼ିଥିବା ଟସ୍ ଅଷ୍ଟ୍ରେଲିଆ ଦଳର ଅଧିନାୟକ ଆରୋନ୍ ଫିଞ୍ଚ ସପକ୍ଷରେ ଯାଇଥିଲା । ଅଷ୍ଟ୍ରେଲିଆ ଦଳ ଟସ ଜିତିବା ପରେ ବୋଲିଂ କରିବାର ନିଷ୍ପତି ନେଇଛନ୍ତି । ଦିନ ୧:୪୦ରୁ ଖେଳ ଆରମ୍ଭ ହୋଇଯାଇଛି । ତେବେ ନୂଆ ଜର୍ସିରେ ନଜର ଆସିଛନ୍ତି ଅଷ୍ଟ୍ରେଲିଆ ଦଳ ।
ଭାରତୀୟ ଦଳ ୬ ଓଭରରେ ଅର୍ଦ୍ଧଶତକ ପୂରଣ କରିଥିଲେ ମଧ୍ୟ ୨ଟି ଓ୍ଵିକେଟ ହରାଇ ସାରିଛନ୍ତି । ଶିଖର ଧଓ୍ଵନ ୬ ବଲ୍ରେ ୧ ରନ୍ ଓ ବିରାଟ କୋହଲି ୯ ବଲ୍ରେ ୯ ରନ୍ କରି ଆଉଟ ହୋଇଥିଲେ । ଏହି ଟି-୨୦ ସିରିଜରେ ଉଭୟ ଦଳ ତିନିଟି ମ୍ୟାଚ୍ ଖେଳିବେ ।
ଇଣ୍ଡିଆ : କେ. ଏଲ୍ ରାହୁଲ, ଶିଖର ଧଓ୍ଵନ, ବିରାଟ କୋହଲି (ଅଧିନାୟକ), ମନିଷ ପାଣ୍ଡେ, ସଂଜୁ ସାମ୍ସନ୍, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଓ୍ଵାସିଙ୍ଗଟନ ସୁନ୍ଦର, ଦୀପକ ଚହର, ମହମ୍ମଦ ଶାମି, ଟି. ନଟରାଜନ ।
ଅଷ୍ଟ୍ରେଲିଆ : ଆରୋନ ଫିଞ୍ଚ୍ (ଅଧିନାୟକ), ଡିଆର୍କି ସର୍ଟ, ଏମ୍ ଓ୍ଵାଡ୍, ଷ୍ଟିଭ୍ ସ୍ମିଥ୍, ମୋଇସିସ ହେନରିକ୍ୟୁଏସ୍, ଗ୍ଲେନ୍ ମ୍ୟାକ୍ସୱେଲ୍, ସିନ୍ ଆବୋଟ୍, ମିଚେଲ ଷ୍ଟାର୍କ, ମିସେଲ୍ ସ୍ଵେବ୍ସନ୍, ଆଡାମ ଜାମ୍ପା, ଜସ୍ ହାଜେଲଉଡ୍
