ସନ୍ଷ୍ଟାର ଟିଭି ବ୍ୟୁରୋ
ମୁମ୍ଵାଇ: ରିଅଲ ଟାଇମ୍ ଗ୍ରସ ସେଟଲମେଣ୍ଟ (ଆରଟିଜିଏସ) ସେବାକୁ ୨୪ ଘଣ୍ଟିଆ କରାଯିବ ବୋଲି ସୂଚନା ଦେଇଛନ୍ତି ଭାରତୀୟ ରିଜର୍ଭ ବ୍ୟାଙ୍କର ଗଭର୍ଣ୍ଣର ଶକ୍ତିକାନ୍ତ ଦାସ । ଏହି ସେବା କିଛି ସପ୍ତାହ ମଧ୍ୟରେ ସବୁଦିନ ଉପଲବ୍ଧ ରହିବ ବୋଲି ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ ସୂଚନା ଦେଇଛନ୍ତି । ରିଜର୍ଭ ବ୍ୟାଙ୍କର ମନିଟାରି ପଲିସି କମିଟି ସମୟରେ ଶ୍ରୀ ଦାସ ଏ ସମ୍ପର୍କରେ ସୂଚନା ଦେଇଛନ୍ତି ।
ଏବେ ଆରଟିଜିଏସ ସେବା ସକାଳ ୭ଟାରୁ ସଂଧ୍ୟା ୬ଟା ପର୍ଯ୍ୟନ୍ତ ଉପଲବ୍ଧ ହେଉଛି । ଏହା ମଧ୍ୟ କେବଳ କାର୍ଯ୍ୟ ଦିବସରେ ଉପଲବ୍ଧ ହୋଇଥାଏ । କିନ୍ତୁ ଏଣିକି ଦିନର ସବୁ ସମୟରେ ଓ ସପ୍ତାହର ସବୁଦିନ ଏହି ସେବା ଉପଲବ୍ଧ ହେବ । ଆରବିଆଇର ଏହି ପଦକ୍ଷେପ ଦ୍ବାରା ବ୍ୟବସାୟୀମାନେ ଉପକୃତ ହେବାର ସମ୍ଭାବନା ରହିଛି ।
ସାଧାରଣତଃ ଅଧିକ ପରିମାଣର ଅର୍ଥ ( ୨ ଲକ୍ଷ ଟଙ୍କାରୁ ଅଧିକ) ପ୍ରେରଣ ପାଇଁ ଆରଟିଜିଏସ ସେବା ବ୍ୟବହାର କରାଯାଏ । ପୂର୍ବରୁ ଏହି ସେବା ସକାଳ ୭ଟାରୁ ଅପରାହ୍ଣ ୪ଟା ୩୦ ପର୍ଯ୍ୟନ୍ତ ଉପଲବ୍ଧ ହେଉଥିଲା । ଗତ ବର୍ଷ ମେ ମାସରେ ଏହାକୁ ସଂଧ୍ୟା ୬ଟା ପର୍ଯ୍ୟନ୍ତ ବୃଦ୍ଧି କରାଯାଇଥିଲା ।
ଗତ ବର୍ଷ ଡିସେମ୍ବର ମାସରେ ସରକାର ଏନଇଏଫଟି ବା ନ୍ୟାସନାଲ ଇଲେକ୍ଟ୍ରୋନିକ୍ସ ଫଣ୍ଡ ଟ୍ରାନ୍ସଫର ବ୍ୟବସ୍ଥାକୁ ୨୪ ଘଣ୍ଟିଆ କରିଥିଲେ ।
