ସନ୍ଷ୍ଟାର ଟିଭି ବ୍ୟୁରୋ
ଟେଲିଭିଜନ ଜଗତର ସବୁଠୁ ମୋଷ୍ଟ ଏଲିଜିବଲ ବ୍ୟାଚଲର ତଥା ମହାଭାରତର ଅର୍ଜ୍ଜୁନ ଶାହିର ଶେଖ ଗତ କାଲି ନିଜ ଗାର୍ଲଫ୍ରେଣ୍ଡ ରୂଚିକା କପୁରଙ୍କୁ ବିବାହ କରିଛନ୍ତି। କରୋନା ସଂକ୍ରମଣକୁ ଦୃଷ୍ଟିରେ ରଖି ଉଭୟେ କୋର୍ଟ ମ୍ୟାରେଜ କରିଛନ୍ତି ଏବଂ ଏହି ବିବାହରେ କେବଳ ଦୁହିଁଙ୍କ ପରିବାର ସଦସ୍ୟ ଓ କେତେ ଜଣ ଘନିଷ୍ଠ ବନ୍ଧୁ ଉପସ୍ଥିତ ଥିଲେ ।ତେବେ ୨୦୨୧ ମସିହା ଜୁନ ମାସରେ ପାରମ୍ପରିକ ବିଧିରେ ପୁଣି ଥରେ ବିବାହ କରିବେ। କୋର୍ଟ ମ୍ୟାରେଜ କରିବା ପରେ ନବବିବାହିତ ଯୋଡି ଶାହିରଙ୍କ ଘର ଜାମ୍ମୁକୁ ଯାଇଛନ୍ତି। ତେବେ ଶାହିରଙ୍କୁ ନିଜ ସମ୍ପୂର୍ଣ୍ଣ ଜୀବନ ବିତାଇବା ପାଇଁ ଏକ ମନଲାଖି ସାଥି ମିଳିଛନ୍ତି ବୋଲି ସେ କହିଛନ୍ତି ।ବିବାହ ପରେ ଏହି ଦୁଇ ଯୋଡି ନିଜର ସୁନ୍ଦର ସୁନ୍ଦର ଫଟୋ ସୋସିଆଲ ମିଡିଆରେ ସେୟାର କରିଛନ୍ତି ।
“କ୍ୟା ମସ୍ତ ହେ ଲାଇଫ” ଧାରାବାହିକରୁ ସିରିଅଲ ଜଗତରେ ପାଦ ରଖିଥିବା ଶାହିର ଶେଖ ମହାଭାରତ, କୁଛ୍ ରଙ୍ଗ ପ୍ୟାର କେ ଏସେ ଭି, ନଭ୍ୟା, ୟେ ରିସ୍ତେ ହେ ପ୍ୟାର କେ ଭଳି ଅନେକ ଲୋକପ୍ରିୟ ଧାରାବାହିକକୁ ଉପହାର ସ୍ଵରୂପ ଦେଇଛନ୍ତି ନିଜ ଫ୍ୟାନ ମାନଙ୍କୁ ।
