ସନ୍ଷ୍ଟାରଟିଭି ବ୍ୟୁରୋ
ମୁମ୍ବାଇ: ହିନ୍ଦୀ ଟେଲିଭିଜନ ଦୁନିଆର ଚର୍ଚ୍ଚିତ ଅଭିନେତା ଆଶିଷ ରାୟଙ୍କ ମୃତ୍ୟୁ ଘଟିଛି । ଦୀର୍ଘ ଦିନ ଧରି କିଡ୍ନୀ ରୋଗରେ ପୀଡିତ ଥିଲେ ସେ । ସୋମବାର ବିଳମ୍ବିତ ରାତି ଅର୍ଥାତ୍ ମଙ୍ଗଳବାର ଭୋର ପ୍ରାୟ ୩.୪୫ରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି । ତାଙ୍କର ଦୁଇଟି ଯାକ କିଡ୍ନୀ ଖରାପ ହୋଇଯାଇଥିଲା।
ମୃତ୍ୟୁ ବେଳକୁ ତାଙ୍କୁ ୫୫ ବର୍ଷ ହୋଇଥିଲା । ସେ ଗତ ୧ ସପ୍ତାହ ହେଲା ମୁମ୍ବାଇର ଏକ ବେସରକାରୀ ହସ୍ପିଟାଲରେ ଚିକିତ୍ସିତ ହେଉଥିଲେ । ତେବେ ଚିକିତ୍ସାଧୀନ ଥିବା ବେଳେ ସେ ଇଣ୍ଡଷ୍ଟ୍ରୀର ଲୋକଙ୍କୁ ସାହାଯ୍ୟ ମାଗିଥିଲେ । କିଛି କଳାକାର ତାଙ୍କୁ ସାହାଯ୍ୟ ବି କରିଥିଲେ। ସୁସ୍ଥ ହୋଇ ସେ ଗତ ୨୨ ତାରିଖରେ ଘରକୁ ଫେରିଥିଲେ । ମାତ୍ର ଦୁର୍ଭାଗ୍ୟବଶତଃ ଗତ ରାତିରେ ତାଙ୍କ ମୃତ୍ୟୁ ଘଟିଛି । ତାଙ୍କ ମୃତ୍ୟୁରେ ଫିଲ୍ମ ଇଣ୍ଡଷ୍ଟ୍ରୀର ବହୁ କଳାକାର ଶୋକବ୍ୟକ୍ତ କରିଛନ୍ତି ।
ଆଶିଷ ରାୟ ଟିଭି ଶୋ’ ‘ଶଶୁରାଲ ସିମର କା’, ‘ମେରେ ଅଙ୍ଗନେ ମେ’, ‘କୁଛ୍ ରଙ୍ଗ ପ୍ୟାର୍ କେ’, ଭଳି ସିରିୟଲ ସମେତ ‘ରାଜା ନଟଓ୍ଵରଲାଲ୍’,’ମେରା ପେହଲା ପେହଲା ପ୍ୟାର’, ‘ବର୍ଖା’ ଆଦି ଫିଲ୍ମରେ ବି ସେ ନଜର ଆସିଛନ୍ତି ।
