ସନ୍ଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ୨୦୨୩ରେ ଭାରତରେ ‘ଆୟୋଜିତ ହେବାକୁ ଯାଉଛି ‘ଜି ୨୦ ଶିଖର ସମ୍ମିଳନୀ । ଗତ ରବିବାର ଦିନ ‘ଜି୨୦’ ସଦସ୍ୟମାନେ ଏନେଇ ଘୋଷଣା କରିଛନ୍ତି। ‘ଜି୨୦’ର ଓସାକା ଘୋଷଣାନାମା ଅନୁସାରେ, ୨୦୨୨ରେ ଭାରତ ଏହି ଶିଖର ସମ୍ମିଳନୀ ଆୟୋଜନ କରିବା କଥା। କିନ୍ତୁ ଉକ୍ତ ଘୋଷଣାନାମାରେ ଉଲ୍ଲେଖ ଥିଲା ଯେ, ୨୦୨୦ରେ ସାଉଦି ଆରବ, ୨୦୨୧ରେ ଇଟାଲି ଏବଂ ୨୦୨୨ରେ ଭାରତରେ ଆମେ ଏକତ୍ର ହେବାକୁ ସ୍ଥିର କରିଛୁ।
‘ଜି୨୦ରିୟାଦ୍ ଶିଖର ସମ୍ମିଳନୀ ନେତାଙ୍କ ଘୋଷଣାନାମାରେ କୁହାଯାଇଛି, ସଫଳ ରିୟାଦ୍ ଶିଖର ସମ୍ମିଳନୀ ଆୟୋଜନ କରିଥିବାରୁ ଏବଂ ‘ଜି୨୦’ର ପ୍ରକ୍ରିୟା ନିମନ୍ତେ ଅବଦାନ ଦେଇଥିବାରୁ ଆମେ ସାଉଦି ଆରବକୁ ଧନ୍ୟବାଦ ଦେଉଛୁ। ୨୦୨୧ରେ ଇଟାଲି, ୨୦୨୩ରେ ଭାରତ, ଏବଂ ୨୦୨୪ରେ ବ୍ରାଜିଲ୍ରେ ପୁଣି ଥରେ ଏହି ସମ୍ମିଳନୀରେ ଏକତ୍ର ହେବାକୁ ଆମେ ଚାହିଁ ରହିଲୁ।
୨୦୨୩ରେ ଭାରତ ଶିଖର ସମ୍ମିଳନୀ ଆୟୋଜନ କରିବା କଥା ଆଲୋଚନା ଏବଂ ପାରସ୍ପରିକ ସୁବିଧାକୁ ଭିତ୍ତିକରି ସଦସ୍ୟ ରାଷ୍ଟ୍ରର ସଦସ୍ୟମାନେ ଏହା ସ୍ଥିର କରିଛନ୍ତି। ଇଟାଲି ଏବଂ ଇଣ୍ଡୋନେସିଆ ଏହି ସମ୍ମିଳନୀ ଆୟୋଜନ କରି ସାରିବା ପରେ ଭାରତ ‘ଜି୨୦’ ଆଜେଣ୍ଡାକୁ ଆଗେଇ ନେବ।
