ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ଆଜି ଉତ୍କଳ ବିଶ୍ବବିଦ୍ୟାଳୟ ପରିସରରେ ଉଦ୍ଘାଟନ ହୋଇଛି ‘ଶ୍ରଦ୍ଧା ମଣ୍ଡପ ‘ଓ ‘ସେଣ୍ଟ୍ରାଲ ପ୍ଲାଜା’ । ଯାହାକୁ ଉଦ୍ଘାଟନ କରିଛନ୍ତି ଓଡିଶାର ଉଚ୍ଚଶିକ୍ଷା ମନ୍ତ୍ରୀ ଡଃ.ଅରୁଣ କୁମାର ସାହୁ ।ଏହି ଉଦ୍ଘାଟନ ସମ୍ମିଳନୀରେ ଉଚ୍ଚଶିକ୍ଷା ବିଭାଗର ନିର୍ଦ୍ଦେଶକ ଶ୍ରୀ ଶାଶ୍ଵତ ମିଶ୍ର ଓ ଉତ୍କଳ ବିଶ୍ବବିଦ୍ୟାଳୟର କୁଳପତି ପ୍ରଫେସର ସୌମେନ୍ଦ୍ର ମୋହନ ପଟ୍ଟନାୟକ,ରେଜିଷ୍ଟର ଡଃ. ଅଭୟ କୁମାର ନାୟକ ଉତ୍କଳ ବିଶ୍ବବିଦ୍ୟାଳୟର ପୂର୍ବତନ ଛାତ୍ର ସଂସଦ ସଭାପତି ତଥା ଓଡିଶା କ୍ଷୁଦ୍ର ଶିଳ୍ପ ଅଧ୍ୟକ୍ଷ ଶ୍ରୀ ଚିନ୍ମୟ ସାହୁ , ତନ୍ମୟ ସ୍ଵାଇଁ, ରାଜେଶ ରାଜ ସ୍ଵାଇଁଙ୍କ ସମେତ ଉତ୍କଳ ବିଶ୍ବବିଦ୍ୟାଳୟର ଅନ୍ୟାନ୍ୟ କର୍ମଚାରୀ ଏବଂ ପୂର୍ବତନ ଛାତ୍ରମାନେ ଉପସ୍ଥିତ ଥିଲେ ।
କୋଭିଡ ନିୟମକୁ ପାଳନ କରି ସମସ୍ତେ ମାକ୍ସ ପରିଧାନ କରିବା ସହିତ ସାମାଜିକ ଦୂରତା ରକ୍ଷା କରି ଏହି ସମାରୋହରେ ଉପସ୍ଥିତ ଥିଲେ ।
ଉତ୍କଳ ବିଶ୍ବବିଦ୍ୟାଳୟର ବିକାଶ ପାଇଁ କାର୍ଯ୍ୟକରିବା ପାଇଁ ଅରୁଣ ସାହୁ କୁଳପତିଙ୍କ ସହ ଆଲୋଚନା କରିବା ସହ ବିଶ୍ବବିଦ୍ୟାଳୟରେ ଜାରି ରହିଥିବା ସମସ୍ତ ବିକାଶମୂଳକ କାର୍ଯ୍ୟଗୁଡିକୁ ପରିଦର୍ଶନ କରି ତଦାରଖ କରିଥିଲେ ।
