ସନ୍ଷ୍ଟାର ଟିଭି ବ୍ୟୁରୋ
ମୁମ୍ବାଇ:ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ଡ୍ରଗ୍ସ ମାମଲାରେ ନାକ୍ରୋଟିକ୍ସ କନ୍ଟ୍ରୋଲ ବ୍ୟୁରୋ (ଏନସିବି)ର ତଦନ୍ତ ଜାରି ରହିଛି । ଗୋଟିଏ ପରେ ଗୋଟିଏ ନୂଆ ନାଁ ସାମ୍ନାକୁ ଆସୁଛି, ଯାହାକୁ ନେଇ ତଦନ୍ତ ଜୋରସୋରରେ ଚଳାଇଛନ୍ତି ଏନସିବି । ଏହାରି ମଧ୍ୟରେ ଦେଶର ଲୋକପ୍ରିୟ ହାସ୍ୟ ଅଭିନେତ୍ରୀ ଭାରତୀ ସିଂଙ୍କ ଅନ୍ଧେରୀ ସ୍ଥିତ ଘରେ ଏନସିବି ଚଢାଉ କରିଛି । ଏହି ମାମଲାରେ ଅଧିକ ସୂଚନା ସାମ୍ନାକୁ ଆସିନାହିଁ ।
ଭାରତି ସିଂ ଖତରା ଖତରା, ନଚ୍ ବଲିୟେ ଆଦି ରିଆଲିଟି ସୋ ରେ ନଜର ଆସିଛନ୍ତି ।
ତେବେ ଡ୍ରଗ୍ସ ମାମଲାରେ ଏନସିବି ଦ୍ୱାରା ଅନେକ ତାରକାଙ୍କୁ ଟାର୍ଗେଟ କରାଯାଇଛି । ନିକଟରେ ଅଭିନେତା ଅର୍ଜୁନ ରାମପାଲଙ୍କୁ ଏନସିବି ପଚରାଉଚରା କରିବା ସହ ତାଙ୍କ ଘରେ ଚଢାଉ କରିଥିଲା ।ଚଳିତ ଜୁନ ମାସରେ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ହୋଇଥିଲା । ତାଙ୍କ ମୃତ୍ୟୁକୁ ନେଇ ବଲିଉଡ ଜଗତରେ ଶୋକର ଛାୟା ଖେଳି ଯାଇଥିଲା । ତାଙ୍କ ଆତ୍ମହତ୍ୟା ଘଟଣାକୁ କେହି ସହଜରେ ବିଶ୍ବାସ କରିପାରୁ ନଥିଲେ ।ଯଦିଓ ମୁମ୍ବାଇ ପୋଲିସ ଏହାକୁ ଆତ୍ମହତ୍ୟା ଘୋଷଣା କରିଥିଲା ତଥାପି ତାଙ୍କୁ ହତ୍ୟା କରାଯାଇଛି ବୋଲି ଚର୍ଚ୍ଚା ଜୋର ଧରିବାରୁ ସିବିଆଇ ତଦନ୍ତ ଦାବି କରାଯାଇଥିଲା । ଏହି ତଦନ୍ତରେ ଡ୍ରଗ୍ସ କେସ ସାମ୍ନା କୁ ଆସିବା ପରେ ଅନେକ ବଡ ବଡ ସେଲିବ୍ରଟି ଡ୍ରଗ୍ସ ମାମଲାରେ ଫସି ହୋଇଛନ୍ତି । ଦିପିକା ପାଦୁକୋନ, ରିଆ ଚକ୍ରବର୍ତ୍ତି, ସାରା ଅଲ୍ଲୀ ଖାନ, ଶ୍ରଦ୍ଧା କପୁର ପରି ବଡ ବଡ ସେଲିବ୍ରେଟି ଏହି ମାମଲାରେ ଛନ୍ଦି ହୋଇଯାଇଛନ୍ତି ।
