ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ଆଜି ରାଜଧାନୀରେ ଘନ କୁହୁଡିର ଆସ୍ତରଣ ହେଖିବାକୁ ମିଳିଛି ।ଯେଉଥିପାଇଁ ସକାଳ ସମଯରେ ଯାତାୟତ ବାଧାପ୍ରାପ୍ତ ହୋଇଥିଲା । କେବଳ ସ୍ମାର୍ଟ ସିଟି ନୁହେଁ ଏହାର ଆଖପାଖ ଅଞ୍ଚଳରେ ଘନ କୁହୁଡି ଦେଖିବାକୁ ମିଳିଛି । ବିଶେଷକରି କଟକ, ଅନୁଗୁଳ,ସମ୍ବଲପୁର,ଦେଓଗଡ ଆଜି ଜିଲ୍ଲାମାନଙ୍କରେ ମଧ୍ୟ ଘନ କୁହୁଡିର ବଳୟ ଦେଖିବାକୁ ମିଳିଛି । । କୁହୁଡ଼ିର ପରିମାଣ ଏତେ ଅଧିକ ଥିଲା ଯେ, କିଛି ବାଟ ଯାଏଁ ହିଁ ରାସ୍ତାରେ ଦେଖିବା ସମ୍ବବପର ହେଉନ ଥିଲା। ଜାତୀୟ ରାଜପଥରେ ବିଶେଷ ଭାବେ ଗାଡ଼ି ଚଳାଚଳରେ ବାଧା ଉପୁଜିଥିଲା। । ଏପରି କୁହୁଡ଼ି ଆସନ୍ତାକାଲି ବି ଦେଖାଯାଇପାରେ। ଏନେଇ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି ।
ରାଜ୍ୟର ବିଭିନ୍ନ ସ୍ଥାନରେ ଏବେ ଶୀତ ବଢିବାରେ ଲାଗିଛି। ଗତକାଲି କୋରାପୁଟରେ ସର୍ବନିମ୍ନ ତାପାମାତ୍ରା ୧୫ ଡିଗ୍ରୀ ସେଲିସିୟସ ରେକର୍ଡ କରାଯାଇଛି। ଗତକାଲି ଅନୁଗୁଳରେ ସର୍ବନିମ୍ନ ତାପମାତ୍ରା ୧୫.୬ ଡିଗ୍ରୀ ରହିଥିବା ବେଳେ ସୋନପୁର ଓ ଦାରିଙ୍ଗବାଡିରେ ସର୍ବନିମ୍ନ ତାପମାତ୍ରା ୧୫.୫ ଡିଗ୍ରୀ ରହିଥିଲା।
୨୦, ୨୧ରେ ସାମାନ୍ୟ ବର୍ଷା ହେବା ନେଇ ଆଶଙ୍କା ପ୍ରକାଶ କରିଛି ଆଞ୍ଚଳିକ ପାଣିପାଗ କେନ୍ଦ୍ର। ଦିନରେ ତାପମାତ୍ରା ସାମାନ୍ୟ ଅଧିକା ରହିବା ଯୋଗୁ ଦିନରେ କୁହୁଡ଼ିର ପରିମାଣ ବଢ଼ୁଥିବା ଆକଳନ କରାଯାଉଛି।
