ସନ୍ଷ୍ଟାର ଟିଭି ବ୍ୟୁରୋ
କେନ୍ଦ୍ରାପଡା: କେନ୍ଦ୍ରାପଡା ଜିଲ୍ଲାର ଡୁକୁକା ଗ୍ରାମର ଜଣେ ୧୧ ବର୍ଷର ଝିଅ ୧୦ କି.ମି ବାଟ ପାଦରେ ଚାଲି ନିଜ ବାପାଙ୍କ ବିରୁଦ୍ଧରେ କେନ୍ଦ୍ରାପଡା ଜିଲ୍ଲାପାଳଙ୍କ ନିକଟରେ ଅଭିଯୋଗ ଦେଇଛନ୍ତି ।ତାଙ୍କ ଅଭିଯୋଗ ହେଉଛି ତାଙ୍କ ବାପା ତାଙ୍କୁ ମିଳିଥିବା ବିଦ୍ୟାଳୟରେ ମିଳିଥିବା ମଧ୍ୟାହ୍ନ ଭୋଜନ ପାଇଁ ପଇସା ଓ ଚାଉଳ ଛଡାଇ ନେଇଛନ୍ତି ।
ଡୁକୁକା ବିଦ୍ୟାପୀଠରେ ପଢୁଥିବା ଏହି ଝିଅଟି ନାମ ଶୁଶ୍ରୀ ସଙ୍ଗିତା ସେଠୀ ।ସେ କେନ୍ଦ୍ରାପଡା ଜିଲ୍ଲାପାଳ ସାମର୍ଥ ବର୍ମାଙ୍କ ନିକଟରେ ଅଭିଯୋଗ ଦାଖଲ କରି କହିଛନ୍ତି ଯେ ତାଙ୍କ ବାପା ରମେଶ ଚନ୍ଦ୍ର ସେଠୀ ତାଙ୍କ ଠାରୁ ଜବରଦସ୍ତି ମଧ୍ୟାହ୍ନ ଭୋଜନ ପାଇଁ ମିଳିଥିବା ପଇସା ଓ ଚାଉଳ ଛଡାଇ ନେଇଛନ୍ତି ।
ସେ ଅଭିଯୋଗ ପତ୍ର ରେ ଆଉ ମଧ୍ୟ ଲେଖିଛି ଯେ ୨ ବର୍ଷ ପୂର୍ବରୁ ତାଙ୍କ ମାଙ୍କ ମୃତ୍ୟୁ ଘଟିଛି ଓ ୧ ବର୍ଷ ପୂର୍ବେ ତା ବାପା ଆଉ ଜଣକୁ ବିବାହ କରିଛନ୍ତି । ବିବାହ ପରେ ତା ବାପା ତାକୁ ଘରୁ ବାହାର କରିଦେଇଥିଲେ ଯେଉଁଥିପାଇଁ ସେ ତାଙ୍କ ମାମୁଁଙ୍କ ପାଖରେ ରହୁଛନ୍ତି ।
ସରକାର କରୋନା ମହାମାରୀ ପାଇଁ ମଧ୍ୟାହ୍ନ ଭୋଜନ ପଇସା ଛାତ୍ରଛାତ୍ରୀଙ୍କର ଅଭିଭାବକଙ୍କ ବ୍ୟାଙ୍କ ଆକାଉଣ୍ଟକୁ ପଠାଉଛନ୍ତି । ଯେତେବେଳେ ସେ ପଇସାକୁ ସେ ମାଗିଥିଲା ତା ବାପା ଦେଇନଥିଲେ ଓ ସେ ବିଦ୍ୟାଳୟରୁ ମଧ୍ୟ ଚାଉଳ ନେଇ ଯାଇଥିଲେ।
କେନ୍ଦ୍ରାପଡା ଜିଲ୍ଲାପାଳ ଏହି ଅଭିଯୋଗର ତୁରନ୍ତ ପଦକ୍ଷେପ ନେବେ ବୋଲି ପ୍ରତିଶୃତି ଦେଇଛନ୍ତି ଓ ଯଥାଶୀଘ୍ର ରମେଶ ଚନ୍ଦ୍ର ସେଠୀଙ୍କ ଠାରୁ ପଇସା ଓ ଚାଉଳ ଆଣି ଶୁଶ୍ରୀ ସଙ୍ଗିତାକୁ ଦେବା ପାଇଁ ସେ ଜିଲ୍ଲା ଶିକ୍ଷା ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ।
ଜିଲ୍ଲା ଶିକ୍ଷା ଅଧିକାରୀ ସଞୀବ ସିଂହ ମଧ୍ୟ ଏହାର ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ଓ ବିଦ୍ୟାଳୟର ପ୍ରଧାନ ଶିକ୍ଷକଙ୍କୁ ମଧ୍ୟାହ୍ନ ଭୋଜନ ପାଇଁ ମିଳୁଥିବା ପଇସା ଓ ଚାଉଳ ସେ ବାଳିକାକୁ ପାଇଁ ନିର୍ଦ୍ଦେଶ ଦେଇଛନ୍ତି । ଓ ରମେଶ ଚନ୍ଦ୍ର ଙ୍କ ଠାରୁ ପଇସା ଓ ଚାଉଳ ଫେରସ୍ତ ପାଇଁ ବ୍ୟବସ୍ଥା କରିସାରିଛନ୍ତି ବୋଲି କହିଛନ୍ତି ସଞୀବ ।
ସୂଚନା ଅନୁସାରେ କରୋନା ମହାମାରୀ ପାଇଁ ସମସ୍ତ ବିଦ୍ୟାଳୟ ବନ୍ଦ ଅଛି । ପ୍ରତ୍ୟେକ ପିଲାଙ୍କୁ ପ୍ରତିଦିନ ୧୫୦ଗ୍ରାମ ଚାଉଳ ,୮.୧୦ ପଇସା ପ୍ରତିଦିନ ହିସାବରେ ମାସକୁ ଥରେ ବ୍ୟାଙ୍କ ଆକାଉଣ୍ଟକୁ ପଠାଯାଉଛି ।
