ସନ୍ଷ୍ଟାର ଟିଭି ବ୍ୟୁରୋ
ଦୀପାବଳି ଅବସରରେ ଫ୍ୟାନ ମାନଙ୍କୁ ଦୀପାବଳି ଉପହାର ଦେଇଛନ୍ତି ଖିଲାଡି ଅକ୍ଷୟ କୁମାର । ସେ ସୋସିଆଲ୍ ମିଡିଆରେ ସେୟାର କରିଛନ୍ତି ତାଙ୍କର ନୂଆ ଲୁକ୍ । ‘ଲକ୍ଷ୍ମି’ ପରେ ସେ ନେଇ ଆସୁଛନ୍ତି ତାଙ୍କର ନୂଆ ଫିଲ୍ମ ‘ରାମ ସେତୁ’ ।ସେ ‘ରାମ ସେତୁ’ର ପ୍ରଥମ ପୋଷ୍ଟର ସେୟାର କରିଛନ୍ତି ତାଙ୍କ ସୋସିଆଲ୍ ମିଡିଆରେ । ଏକ ନୂଆ ଲୁକରେ ଦେଖିବାକୁ ମିଳିଛି ଅକ୍ଷୟଙ୍କୁ । ସେ ସେଥିରେ ଏକ ପାଉଁଶିଆ ରଙ୍ଗର ସାର୍ଟ ସହିତ ପିନ୍ଧିଛନ୍ତି ଏକ କାର୍ଗୋ ପ୍ୟାଣ୍ଟ ଓ ବେକରେ ଗୁଡାଇଛନ୍ତି ଏକ କମଳା ରଙ୍ଗର କପଡା ଓ କାନ୍ଧରେ ଅଛି ଏକ ବ୍ୟାଗ । ଅକ୍ଷୟ ଙ୍କ ପଛ ପଟେ ଭଗବାନ ରାମଙ୍କ ଏକ ଛବି ରହିଥିବାର ଦେଖାଯାଉଛି ।
ସେ ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ରାମ ସେତୁର ପୋଷ୍ଟର ସେୟାର କରି ଲେଖିଛନ୍ତି ଏହି ଦୀପାବଳିରେ , ଭାରତ ଦେଶର ଆର୍ଦଶ ଓ ମହାନାୟକ ଭଗବାନ ଶ୍ରୀ ରାମଙ୍କର ପୂର୍ଣ୍ୟ ସ୍ମୃତିକୁ ଯୁଗ ଯୁଗ ଯାଏଁ ଭାରତର ଚେତନାରେ ସୁରକ୍ଷିତ ରଖିବା ପାଇଁ ଏମିତି ଏକ ସେତୁ ତିଆରି କରିଛନ୍ତି ଯାହା ଆଗାମୀ ପିଢୀକୁ ରାମଙ୍କ ସହ ବାନ୍ଧି ରଖିବ ଓ ଏହି ପ୍ରୟାସରେ ଆମର ଏକ ଛୋଟ ସଂକଳ୍ପ – ରାମସେତୁ । ଦୀପାବଳି ଅବସରରେ ସେ ସମସ୍ତଙ୍କୁ ଶୁଭେଚ୍ଛା ଜଣାଇଛନ୍ତି ।
View this post on Instagram
ରାମସେତୁ ଫିଲ୍ମର ନିର୍ଦ୍ଦେଶକ ଅଭିଷେକ ଶର୍ମା ରହିଥିବା ବେଳେ ଅବୁନ୍ଦତିଆ ଏଣ୍ଟଟେନ୍ଟମେଣ୍ଟ ଓ କେପ୍ ଅଫ୍ ଗୁଡ୍ ଫିଲ୍ମ ଏହାର ପ୍ରଯୋଜନା ଭାର ସମ୍ଭାଳିଛନ୍ତି । ସର୍ଜନାତ୍ମକ ପ୍ରଯୋଜକ ଅଛନ୍ତି ଡ.ଚନ୍ଦ୍ରପ୍ରକାଶ ଦ୍ବିବେଦୀ ।
ଫିଲ୍ମର ଉପଶୀର୍ଷକ ‘ମାଇଥ୍ ଅର୍ ରିଆଲିଟି’ (କାଳ୍ପନିକ ଓ ବାସ୍ତବତା ) ଯାହା ଫିଲ୍ମଟିକୁ ଆହୁରି ରୋମାଞ୍ଚକର ବନାଉଛି ।
