ସନଷ୍ଟାର ଟିଭି ବ୍ୟୁରୋ
ବୋଲଗଡ଼ ବ୍ଲକ ଅନ୍ତର୍ଗତ କଳାଙ୍ଗ ଉଚ୍ଚ ବିଦ୍ୟାଳୟ ପରିସରରେ ଉକ୍ତ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ଗଦାଧର ପରିଡା ଙ୍କ ସଭାପତିତ୍ବରେ ଦିବାକର ହୋତା ମେମୋରିଆଲ ଟ୍ରଷ୍ଟ ତରଫରୁ ମାଟ୍ରିକ ପରୀକ୍ଷା ରେ ସର୍ବୋଚ୍ଚ ନମ୍ବର ରଖିଥିବା କଳାଙ୍ଗ ଉଚ୍ଚ ବିଦ୍ୟାଳୟ ,ଗଦାଧର ଏକାଡେମୀ ଓ ରଘୁନାଥ ଉଚ୍ଚ ବିଦ୍ୟାଳୟ ଟାଙ୍ଗିସାହି ର କୃତୀ ଛାତ୍ରଛାତ୍ରୀ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା। ଏଥିରେ ମୁଖ୍ୟ ଅତିଥି ଭାବେ ଶିକ୍ଷାବିତ୍ ଶ୍ରୀଯୁକ୍ତ ହରିବନ୍ଧୁ ସାହୁ , ମୁଖ୍ୟବକ୍ତା ଡାକ୍ତର ଶରତ ଚନ୍ଦ୍ର ଜୟସିଂହ , ଟ୍ରଷ୍ଟର ସଂପାଦକ ପ୍ରସନ୍ନ କୁମାର ଶ୍ରୀଚନ୍ଦନ, ବିଦ୍ୟାଳୟ ପରିଚାଳନା କମିଟି ସଭାପତି ଜ୍ଞାନ ରଂଜନ ପ୍ରଧାନ , ପ୍ରଦୀପ କୁମାର ପରିଡ଼ା , ଶରତ ଚନ୍ଦ୍ର ସ୍ବାଇଁ ଉପସ୍ଥିତ ରହି କୃତୀ ଛାତ୍ରଛାତ୍ରୀ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା। ଅନିତା ବେହେରା , ଭବାନୀ ଶଙ୍କର ପ୍ରଧାନ ,ଚିରସ୍ମିତା ମହାପାତ୍ର ,ଗାୟତ୍ରୀ ସାମନ୍ତରାୟ ,ପ୍ରଶାନ୍ତ କୁମାର ସାହୁ ,ସମୀର କୁମାର ମହାରଣା , ଦୀପାଞ୍ଜଳୀ ପରିଡ଼ା , ପାପାଲି ସ୍ବାଇଁ ଙ୍କୁ ମାନପାତ୍ର ଏବଂ ପ୍ରତିଉପହାର ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା । ଉପସ୍ଥିତ ଅତିଥିମାନେ ଛାତ୍ରଛାତ୍ରୀ ମାନଙ୍କ ଉଜ୍ଜ୍ୱଳ ଭବିଷ୍ୟତ କଥା ପରିପ୍ରକାଶ କରିଥିଲେ । କାର୍ଯ୍ୟକ୍ରମ ଶେଷରେ ଶିକ୍ଷକ ପ୍ରଶାନ୍ତ କୁମାର ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।
