ସନ୍ଷ୍ଟାର ଟିଭି ବ୍ୟୁରୋ
ହିମାଚଳ ପ୍ରଦେଶ: ବଲିଉଡ଼ରୁ ଆଉ ଏକ ଦୁଃଖଦ ଖବର ସାମ୍ନାକୁ ଆସିଛି। ବଲିଉଡ଼ର ଜଣେ ଚର୍ଚ୍ଚିତ ଚେହେରା ଅସିଫ ବସ୍ରା ଆଜି ହିମାଚଳ ପ୍ରଦେଶ ସ୍ଥିତ ଧର୍ମଶାଳାର ତାଙ୍କ ବାସଭବନରେ ନିଜ ପୋଷା କୁକୁରର ବେଲ୍ଟ ସାହାଯ୍ୟରେ ଆତ୍ମହତ୍ୟା କରିଛନ୍ତି। ଏହି ଖବର ଏବେ ସାରା ବଲିଉଡ଼ ଜଗତରେ ଶୋକର ଛାୟା ଖେଳାଇ ଦେଇଛି । ସେ ଜବ୍ ଓ୍ବି ମେଟ, ଓ୍ବାନ୍ସ୍ ଅପନ୍ ଏ ଟାଇମ୍ ଇନ୍ ମୁମ୍ବାଇ ସହ ପ୍ରାୟ ୩୦ରୁ ଅଧିକ ଚଳଚ୍ଚିତ୍ରରେ ଅଭିନୟ କରି ଲୋକପ୍ରିୟତା ହାସଲ କରିଛନ୍ତି । ‘କାଇ ପୋ ଚେ’ ଚଳଚ୍ଚିତ୍ରରେ ସେ ସୁଶାନ୍ତ ସିଂ ରାଜପୁତଙ୍କ ସହ ଅଭିନୟ କରିଛନ୍ତି ।
ଆସିଫ ଗତ ୫ ବର୍ଷ ଧରି ମ୍ୟାକ୍ଲେଡଗଞ୍ଜର ଏକ ଭଡା ଘରେ ରହୁଥିଲେ। ଆସିଫଙ୍କ ଏହି ଭଡ଼ା ଘରେ ତାଙ୍କର ବିଦେଶୀ ସାଙ୍ଗମାନେ ବି ରହୁଥିବା ଜଣାପଡ଼ିଛି। ଆସିଫଙ୍କ ଆତ୍ମହତ୍ୟା କରିଥିବା ଖବର ପାଇବା ପରେ ପୁଲିସ ଘଟଣାସ୍ଥଳରେ ପହଞ୍ଚିଥିଲା। ଘଟଣାସ୍ଥଳରେ ପହଞ୍ଚି ପୁଲିସ ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି। କିନ୍ତୁ ଆସିଫ କାହିଁକି ଆତ୍ମହତ୍ୟା କରିଛନ୍ତି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇପାରି ନାହିଁ ।
