ମୁମ୍ବାଇକୁ 10 ଓ୍ବିକେଟରେ ହରାଇ ପ୍ଲେ- ଅଫ୍ ରେ ନିଜକୁ ସାମିଲ କରିସାରିଛି ହାଇଦ୍ରାବାଦ। ଏଥିସହ କୋଲକାତାର ଫ୍ୟାନ ମାନଙ୍କୁ ନିରାଶ ହେବାକୁ ପଡିଛି । ଆସନ୍ତା କାଲିଠାରୁ କ୍ବାଲିଫାୟର ମ୍ୟାଚ ଆରମ୍ଭ ହେବାକୁ ଯାଉଛି । ଆଇପିଏଲ ପ୍ଲେ ଅଫର ପ୍ରଥମ ଶୀର୍ଷ ଦୁଇ ଦଳ ମୁମ୍ୱାଇ ଇଣ୍ଡିଆନ୍ସ ଏବଂ ଦିଲ୍ଲୀ କ୍ୟାପିଟାଲସ ମଧ୍ୟରେ ନଭେମ୍ବର 5ରେ ରାତି ୭ଟା ୩୦ରେ ଦୁବାଇରେ ଖେଳାଯିବ କ୍ୱାଲିଫାୟାର ୧ ମୁକାବିଲା ।ଏହି ମ୍ୟାଚର ବିଜେତା ଦଳ ସିଧାସଳଖ ଫାଇନାଲକୁ ଯିବ ।
ନଭେମ୍ୱର 6 ତାରିଖ ଶୁକ୍ରବାର ଏଲିମିନେଟର ମୁକାବିଲା ହେବ । ମୁହାଁମୁହିଁ ହେବେ ରୟାଲ ଚାଲେଂଜର୍ସ ବାଙ୍ଗାଲୋର-ଏବଂ ସନରାଇଜର୍ସ ହାଇଦ୍ରାବାଦ୍ । ଏହା ପରେ ନଭେମ୍ୱର ୮ ରେ ଦ୍ୱିତୀୟ କ୍ୱାଲିଫାୟର ଖେଳାଯିବ । ପ୍ରଥମ କ୍ୱାଲିଫାୟରର ପରାଜିତ ଦଳ ସହିତ ଏଲିମିନେଟର ମ୍ୟାଚର ବିଜେତା ଦଳ ଖେଳିବ ମ୍ୟାଚ୍ । ଏହି ମ୍ୟାଚର ବିଜେତା ଦଳ , କ୍ୱାଲିଫାୟର ୧ର ବିଜେତା ଦଳ ସହିତ ନଭେମ୍ୱର ୧୦ ତାରିଖରେ , ଫାଇନାଲ ମ୍ୟାଚ୍ ଖେଳିବ । ଦୁବାଇରେ ନଭେମ୍ୱର ୧୦ ତାରିଖ ରାତି ୭ଟା ୩୦ରେ ଏହି ମୁକାବିଲା ଖେଳାଯିବ ।
